ஈரோட்டில் நள்ளிரவில் இளைஞர்கள் சிலர் மது அருந்திவிட்டு ஆர். கே. வி சாலையில் கார் பந்தயத்தில் ஈடுபட்டனர். அப்போது, ஒருவரைக் கொருவர் முந்திக் கொண்டு காரை அதிவேகமாக சென்று கொண்டிருந்தனர். அப்போது, கார் கட்டுப்பாட்டை இழந்து தனியார் நகைக்கடையின் வாசலில் அமர்ந்திருந்த காவலாளி மீது மோதியது. இதில், நகைக்கடை காவலாளி 200அடி தூரத்தில் தூக்கி எறியப்பட்டு சம்பவ இடத்திலேயே ரத்த வெள்ளத்தில் உயிரிழந்தார்.
மேலும், பாலமுருகன் என்பவரும் படுகாயமடைந்தார். இதனைக்கண்டு ஓடிவந்த அக்கம்பக்கத்தினர், பாலமுருகனை மீட்டு அரசு மருத்துவமனையில் அனுமதித்தனர். பின்னர், விபத்து குறித்து கருங்கல்பாளையம் காவல்துறையினருக்கு தகவல் அளித்தனர். சம்பவ இடத்திற்கு விரைந்து வந்த காவல்துறையினர் வழக்குப் பதிவு செய்து விசாரணை மேற்கொண்டனர்.
இந்தக் கோர விபத்து குறித்த சிசிடிவி வீடியோ, சமூக வலைத்தளங்களில் வெளியாகி பெரும் பரபரப்பை ஏற்படுத்தியுள்ளது.
