சத்தியமங்கலம் அடுத்த ஆசனூர் சென்டர் தொட்டியைச் சேர்ந்தவர் மாதேவசாமி. இவர் அரேப்பாளையத்திலிருந்து ஆசனூருக்கு நடந்து சென்றுள்ளார். அப்போது அரேப்பாளையம் வனச்சரக அலுவலக சாலையோரம் நின்றுகொண்டிருந்த காட்டுயானை திடீரென மாதேவசாமியை தாக்கியது.
இதில் பலத்த காயமடைந்த அவரை அவசர ஊர்தி ஊழியர்கள் மீட்டு, சத்தியமங்கலம் அரசு மருத்துவமனைக்கு அனுப்பிவைத்தனர். அங்கிருந்து மேல் சிகிச்சைக்காக கோவை மருத்துவமனைக்கு கொண்டு செல்லப்பட்டுள்ளார். இச்சம்பவம் குறித்து ஆசனூர் காவல் துறையினர் வழக்குப்பதிவு செய்து விசாரித்துவருகின்றனர்.
