தனியார் பேருந்து ஓட்டுநர், கார் உரிமையாளர் இடையே கைகலப்பு

சத்தியமங்கலம் அருகே தனியார் பேருந்து ஓட்டுநர், கார் உரிமையாளர் இடையே கைகலப்பு ஏற்பட்டது.

ஈரோடு: சத்தியமங்கலத்தில் இருந்து தனியார் பேருந்து 50-க்கும் மேற்பட்ட பயணிகளை ஏற்றிக்கொண்டு கர்நாடக மாநிலம் சாம்ராஜ்நகருக்கு சத்தியமங்கலம் - மைசூர் சாலையில் சென்றது.

காரப்பள்ளம் சோதனை சாவடி அருகே பேருந்து வந்தபோது சாலையின் நடுவே நிறுத்தி இருந்த காரை லேசாக உரசியாக கூறப்படுகிறது. இதைக் கண்ட காரின் உரிமையாளர் உடனடியாக தனியார் பேருந்தை வழிமறித்தார். பேருந்து ஓட்டுநர் மற்றும் நடத்துனர் இருவரும் கீழே இறங்கி வந்தனர்.

அப்போது தனியார் பேருந்து ஓட்டுநர், கார் உரிமையாளர் இடையே கைகலப்பு ஏற்பட்டது. பின்னர் பேருந்து பயணிகள் மற்றும் மற்ற வாகனங்களில் வந்தவர்கள் அவர்களை சமாதானப்படுத்தினர்.

இதையும் படிங்க: 'புத்தாண்டு பாதுகாப்பு' காவலர்களுக்கு டிஜிபி பாராட்டு