ஈரோடு: ஈரோடு கிழக்கு தொகுதி இடைத்தேர்தல் வருகிற 27ஆம் தேதி நடைபெற உள்ளது. இதற்கான வேட்புமனு தாக்கல் இன்றுடன் (பிப்.7) நிறைவு பெறும் நிலையில், அதிமுகவில் நீடித்து வந்த வேட்பாளர் விவகாரம் முடிவுக்கு வந்து, ஈபிஎஸ் தரப்பில் அறிவிக்கப்பட்ட கே.எஸ்.தென்னரசு அதிமுகவின் இறுதி வேட்பாளராவது உறுதியாகி உள்ளது.
இந்த நிலையில் இன்று காலை இடைத்தேர்தல் தொகுதிக்கு உட்பட்ட மணல் மேடு பகுதியில் உள்ள கோயிலில் சாமி கும்பிட்ட கே.எஸ்.தென்னரசு, தனது தேர்தல் பிரச்சாரத்தை தொடங்கினார். இவருடன் முன்னாள் அமைச்சர்கள் கே.ஏ.செங்கோட்டையன் மற்றும் கே.பி.ராமலிங்கம் ஆகியோர் தீவிர வாக்கு சேகரிப்பில் ஈடுபட்டனர்.
இதனையடுத்து செய்தியாளர்களைச் சந்தித்த கே.ஏ.செங்கோட்டையன், “எடப்பாடி தலைமையில் நடைபெறும் முதற்கட்ட தேர்தல் பிரச்சாரம் கோயில் வழிபாட்டோடு நடைபெற்று வருகிறது. இன்று தொடங்கிய நாளே குபேர மூலையில் தொடங்கப்பட்டுள்ளது. குபேர மூலை என்றாலே செல்வத்தை பெருக்குவதும், வெற்றியை பெருக்குவது ஆகும்.
இன்று திண்டுக்கல் வறுங்கார தொகுதி தேர்தலைபோல கிழக்கு சட்டமன்ற தொகுதியிலும் வெற்றி அமையும். நாளை மறுதினம் (பிப்.9) வேட்பாளர் அறிமுக கூட்டம் நடைபெற உள்ளது. அதிமுக வெற்றியை யாராலும் பெற முடியாது என்ற வரலாற்றை படைப்போம். நேற்று (பிப்.6) வெற்றி இலக்கை எட்டி உள்ளோம்.
இரட்டை இலை என்றாலே வி பார் வெற்றி என்பார்கள். ஒற்றுமை உணர்வோடு பணியாற்றி வருகிறோம்” என்றார். மேலும் இன்று மதியம், அதிமுக வேட்பாளர் தென்னரசு தனது வேட்பு மனுவை தாக்கல் செய்கிறார்.
இதையும் படிங்க: Erode East By election: அவைத்தலைவர் தமிழ்மகன் உசேனுக்கு தேர்தல் ஆணையம் அங்கீகாரம்
