திண்டுக்கல் மாவட்டத்திற்கு வருகை தந்த அம்மா மக்கள் முன்னேற்ற கழகத்தின் பொதுச்செயலாளர் டிடிவி தினகரன் செய்தியாளர்களை சந்தித்து பேசினார். அப்போது, 'முதலமைச்சர் எடப்பாடி பழனிசாமியின் வெளிநாட்டு பயணத்தின் மூலம் தமிழ்நாட்டிற்கு முதலீட்டை அதிகப்படுத்தினால் நல்லது என்றும் இது அரசியலாக இருக்கக் கூடாது எனவும் தெரிவித்தார்.
ஆளும் கட்சி மக்களின் நம்பிக்கையை இழந்த கட்சியாக இருந்து வருவதாகவும், ஆட்சி இருப்பதால் அதிமுக மூட்டை போல உள்ளது, அவிழ்த்து விட்டால் அது நெல்லிகாய் மூட்டை என்பது தெரியவரும் எனவும் கேலி செய்தார்.
வெளிநாடுகளுக்கு பயணம் செல்லும் முதலமைச்சர் தனது பொறுப்புகளை ஒப்படைக்காமல் சென்றிருப்பது நம்பிக்கையின்மையே காட்டுகிறது என்றும் அவரது கட்சியினர் மீது அவருக்கே நம்பிக்கை கிடையாது என்பது இதன் மூலம் உறுதியாகிவிட்டதாகவும் சாடினார்.
அமமுகவை கட்சியாக பதிவு செய்து ஒரே சின்னத்தை பெற முயற்சி செய்து வருவதாகவும், ஒரே சின்னத்தை பெற்றவுடன் தேர்தலை சந்திப்போம் என்றும் கூறினார்.
