திண்டுக்கல் மாவட்டம் வேடசந்தூர் அருகே கவுண்டச்சிபட்டி என்ற ஊரில் நிறைமாத கர்ப்பிணி சாலையோரமாகப் பிணமாகக் கிடந்துள்ளார். இதைப் பார்த்த அப்பகுதி மக்கள் கூம்பூர் போலீசாருக்கு தகவல் தெரிவித்ததைத் தொடர்ந்து சம்பவ இடத்திற்கு வந்த போலீசார் விசாரணையில் வேடசந்தூர் வசந்த நகரில் குடியிருந்து வரும் தினேஷ் குமார் என்ற மில் தொழிலாளியின் மனைவி சுஷ்மிதா என்பது தெரியவந்துள்ளது.
கர்ப்பிணி பெண் சடலம் மீட்பு
சுஷ்மிதா பழங்கள் வாங்கிக்கொண்டு தனது மாமனார், மாமியாரை பார்க்க அங்கு வந்தது விசாரணையில் தெரியவந்துள்ளது. மேலும், சுஷ்மிதா கழுத்தில் அணிந்திருந்த ஐந்து பவுன் தாலி சங்கிலி காணாமல் போயிருப்பதாகவும் அவரின் மாமியார் காவல் துறையினரிடம் தெரிவித்துள்ளார்.
