திண்டுக்கல் மாவட்டம் ராஜக்காபட்டி கிராமத்தைச் சேர்ந்தவர் நாகராஜ். இவருக்கு ஜெயா என்ற மனைவியும் பாஸ்கர், கண்ணன் என்ற இரண்டு மகன்களும் உள்ளனர்.
இதில் கண்ணன் கடந்த மூன்று வருடங்களாக மனநிலைப் பாதிக்கப்பட்டு திண்டுக்கல்லில் உள்ள தனியார் மருத்துவமனையில் தங்கி சிகிச்சைப் பெற்று வருகிறார். இந்நிலையில் தீபாவளிக்கு முந்தைய நாள் மருத்துவமனையில் இருந்து கண்ணன் தப்பித்து வீட்டிற்கு வந்துள்ளார்.
வீட்டில் இருந்த கண்ணனுக்கும், தாய் ஜெயாவுக்கும் நேற்று வாக்குவாதம் ஏற்பட்டுள்ளது. இதில் ஆத்திரமடைந்த கண்ணன் அருகில் இருந்த சுத்தியலை எடுத்த ஜெயாவை பலமாக தாக்கியதில் படுகாயமடைந்து சம்பவ இடத்திலேயே உயிரிழந்தார்.
தகவலறிந்து சம்பவ இடத்திற்கு சென்ற காவல் துறையினர் உடலைக் கைப்பற்றி உடற்கூறாய்விற்காக அரசு மருத்துவமனைக்கு அனுப்பி வைத்தனர்.
பின்னர் கண்ணனைக் கைது செய்த காவல் துறையினர் விசாரணை மேற்கொண்டு வருகின்றனர். பெற்ற மகனே தாயைக் கொலை செய்த சம்பவம் அந்தப் பகுதியில் பரபரப்பை ஏற்படுத்தியுள்ளது.
இதையும் படிங்க: கரூர் அருகே தாய் இறந்த விரக்தியில் மகன் தற்கொலை!
