திண்டுக்கல் அருகே உள்ள பாறைப்பட்டி எம்.டி.எஸ் காலனியைச் சேர்ந்தவர் முத்தையா. இவர் ஆட்டு இறைச்சி கடை நடத்தி வருகிறார். இந்நிலையில், இன்று நான்கு பேர் கொண்ட அடையாளம் தெரியாத கும்பல் பயங்கர ஆயுதங்களுடன் வந்து முத்தையாவை தாக்கியுள்ளனர்.
இதில் தலை, கை, கால் உள்ளிட்ட இடங்களில் பலத்த காயங்களுடன் ரத்த வெள்ளத்தில் முத்தையா மயங்கி விழுந்துள்ளார். இதைக்கண்ட பொதுமக்கள் திண்டுக்கல் காவல் துறையினருக்கு தகவல் தெரிவித்தனர்.
தகவலறிந்து சம்பவ இடத்திற்கு விரைந்து வந்த போலீசார், முத்தையாவை மீட்டு, திண்டுக்கல் அரசு மருத்துவமனைக்கு சிகிச்சைக்காக அனுப்பி வைத்தனர். அங்கு அவருக்கு முதலுதவி சிகிச்சை அளிக்கப்பட்டு மேல் சிகிச்சைக்காக மதுரைக்கு அரசு மருத்துவமனைக்கு அனுப்பி வைத்தனர்.
மேலும், இதுகுறித்து காவல் துறையினர் வழக்குப்பதிவு செய்து விசாரணை நடத்தி வருகின்றனர். முதற்கட்ட விசாரணையில் முன்விரோதம் காரணமாக நிகிழ்ந்திருக்கலாம் என கூறப்படுகிறது.
இதையும் படிங்க:
