திண்டுக்கல்: கடந்த சட்டப்பேரவைத் தேர்தலில் வாக்களிக்கச் சென்ற நடிகர் விஜய், முகக்கவசம் அணிந்தபடி சைக்கிளில் வாக்குச் சாவடிக்குச் சென்றார்.
கருப்பு சிகப்பு சைக்கிளில் சென்றார் ஆகையால் அதில் ஒரு குறியீடு உள்ளது எனவும், அதுமட்டுமின்றி பெட்ரோல், டீசல் விலை உயர்வைக் கண்டிக்கும் வகையில் நடிகர் விஜய் சைக்கிளில் சென்றதாகவும் ஊடகங்களில் பல்வேறு கருத்துகள் வெளியாகின.
இதே போலவே, திண்டுக்கல் மாநகராட்சி தேர்தலில் 21 வது வார்டில் போட்டியிடும் வேட்பாளர் மகாராஜ் என்ற விக்கி, டிக் டாக் பிரபலம் 'டூப்' விஜய்யை வைத்து வீதி வீதியாக சைக்கிளில் சென்று வாக்கு சேகரித்தார். பார்ப்பதற்கு விஜய் போலவே இருந்ததால் சிலர் திடீரென அதிர்ச்சிக்குள்ளாகினர். பின்னர், அவருடன் பலரும் செல்ஃபி எடுத்துக்கொண்டனர். இந்த புதுவிதமான பரப்புரை அப்பகுதியில் பலரையும் கவர்ந்துள்ளது.
இதையும் படிங்க:ஸ்டாலின் ஆற்றிய அரும்பணியால் கரோனா குறைந்தது - ஆ.ராசா
