திண்டுக்கல் மாவட்டம் கொடைக்கானலுக்கு திருப்பூரைச் சேர்ந்த சுற்றுலாப் பயணிகள் சுற்றுலா சென்று திரும்பும்போது பழனி-கொடைக்கானல் சாலையில் உள்ள சவரிக்காடு அருகே சென்றுகொண்டிருந்தது.
அப்போது ஓட்டுநரின் கட்டுப்பாட்டை இழந்த பேருந்து கவிழ்ந்ததில் விபத்துக்குள்ளானது. இந்த விபத்தில் பேருந்தில் பயணம் செய்த 30 பேரும் காயம் அடைந்தனர்.
தகவலறிந்து சம்பவ இடத்திற்கு விரைந்துசென்ற காவல் துறையினர், தீயணைப்புத் துறையினர் இடிபாடுகளில் சிக்கி படுகாயமடைந்த சுற்றுலாப் பயணிகள் அனைவரையும் மீட்டு பழனி அரசு மருத்துவமனையில் அனுமதித்தனர்.
விபத்து குறித்து காவல் துறையினர் விசாரணை நடத்திவருகின்றனர்.
