இன்று காலை 7 மணி முதல் வாக்குப்பதிவு விறுவிறுவென நடைபெற்றுவருகிறது. தருமபுரி மக்களவைத் தொகுதி மற்றும் தருமபுரி சட்டப்பேரவை தொகுதிக்கு உட்பட்ட வாக்குச்சாவடிகளில் அதிகளவு இளைய தலைமுறையினர் நீண்ட வரிசையில் காத்திருந்து உற்சாகத்துடன் தங்களது வாக்குகளை பதிவு செய்துவருகின்றனர் .
குறிப்பாக முதன் முறையாக தங்கள் வாக்குகளை பதிவு செய்யக்கூடிய இளைய தலைமுறை பெண்கள் அதிக அளவு வாக்களித்து வருகின்றனர்.
இது குறித்து இளம்பெண் வாக்காளர் கூறும்போது, முதன்முறையாக வாக்களிப்பது மகிழ்ச்சியை தருகிறது என்றும், இந்த வாக்கு ஒரு மக்களவை உறுப்பினரை தேர்ந்தெடுக்கக் கூடிய வாக்கு நான் செலுத்தியதில் மிக்க மகிழ்ச்சி என்று தெரிவித்தார்.
மேலும் முதன்முறையாக வாக்கு செலுத்தவரும் வாக்காளர்கள் தங்கள் பெற்றோரை உடன் அழைத்து வந்து வாக்கு செலுத்துவது அனைத்து வாக்குச்சாவடிகளிலும் காணக்கூடியதாக இருக்கிறது.
காலை 11 மணி நிலவரப்படி தருமபுரி மக்களவைத் தொகுதியில் குறைந்த அளவாக 12.86 விழுக்காடும், தருமபுரி சட்டப்பேரவைத் தொகுதியில் அதிகளவாக 25 .47 விழுக்காடு வாக்குகளும் பதிவாகி உள்ளது குறிப்பிடத்தக்கது.
