தருமபுரி மாவட்டம் பாலக்கோடு அருகேயுள்ள கோணம்பட்டி பகுதியைச் சேர்ந்தவர் முருகன், இவரது மனைவி வினிதா (20) இன்று வீட்டில் யாரும் இல்லாதபோது வீட்டினுள் தூக்கிட்டு தற்கொலை செய்துகொண்டுள்ளார். இதையடுத்து அக்கம்பக்கத்தினர் வீட்டின் கதவைத் திறந்து பார்த்தபோது அவர் தூக்கில் தொங்கிய நிலையில் சடலமாகக் கிடந்தார்.
இது குறித்து தகவலறிந்து சம்பவ இடத்துக்கு வந்த மாரண்டஅள்ளி காவல் துறையினர், சடலத்தை மீட்டு உடற்கூறாய்வுக்காக அரசு மருத்துவமனைக்கு அனுப்பிவைத்தனர்.
வினிதாவுக்கு ஒரு வயதில் பெண் குழந்தை உள்ளது. திருமணம் நடைபெற்று இரண்டு ஆண்டுகளே ஆகின்றன. அவர் தற்கொலை செய்துகொண்டாரா அல்லது வேறு ஏதாவது பிரச்னையா உள்ளிட்ட கோணங்களில் காவல் துறையினர் விசாரணை நடத்திவருகின்றனர். திருமணம் நடைபெற்ற இரண்டு ஆண்டுகளில் இந்தத் துயர சம்பவம் நடந்துள்ளதால், இதுபற்றி தருமபுரி கோட்டாட்சியர் விசாரணை செய்துவருகிறார்.
இதையும் வாசிங்க: 3 பெண் குழந்தைகளைக் கொன்றுவிட்டு பெற்றோர் தற்கொலை: பணத்தாசையால் நேர்ந்த கொடூரம்!
