தருமபுரி நகராட்சி காந்தி சிலையில் இருந்து பச்சையம்மன் கோயில் வரையிலான சாலையில் ஏராளமான வணிக நிறுவனங்கள் சாலைகளை ஆக்கிரமித்து கட்டடங்களை கட்டியுள்ளனர்.
இந்த ஆக்கிரமிப்புகள் காரணமாக அப்பகுதியில் போக்குவரதத்து நெரிசல் ஏற்பட்டுள்ளது. மேலும் அங்கு இரண்டு தனியார் பள்ளிகள் இயங்கி வருகின்றன. இதனால் காலை, மாலையில் அப்பகுதியில் கடுமையான போக்குவரத்து நெரிசல் ஏற்படுவதால் வாகன ஓட்டிகளும் பொதுமக்களும் கடும் அவதியுற்று வருகின்றனர்.
நகராட்சி நிர்வாகம் அதிரடி
இந்நிலையில், இந்த சாலையை விரிவு செய்ய நெடுஞ்சாலைத் துறையினர் திட்டமிட்டனர். இதனையடுத்து காந்தி சிலை சாலையில் உள்ள ஆக்கிரமிப்புகளை அகற்றி சுமார் 1.9 கோடி மதிப்பிலான புதிய சாலைகள் அமைக்கும் பணிகள் நடைப்பெற்று வருகின்றன.
