புதுவை மாநிலத்தில் இருந்து கடலூர் வழியாக தமிழ்நாட்டின் பல்வேறு பகுதிகளுக்கு மதுபானம், கள்ள சாராயம் கடத்துவது தொடர்கதையாக நடந்து வருகிறது. இதனைதொடர்ந்து காவல் ஆய்வாளர் பிரசன்னா தலைமையில் மதுவிலக்கு அமல் பிரிவு காவல்துறையினர் ஆல்பேட்டை சோதனைச் சாவடியில் சோதனையில் ஈடுபட்டு கொண்டிருந்தனர்.
ஷேர் ஆட்டோவில் கள்ளச்சாராயம் கடத்தியவர் கைது
அப்போது அந்த வழியே வந்த ஷேர் ஆட்டோ ஒன்றை வழிமறித்து சோதனை செய்த போது, அதில் கள்ளச்சாராயம் கடத்தி வந்தது தெரியவந்தது. கள்ளச்சாராயத்தை பறிமுதல் செய்த காவல்துறையினர், ஆட்டோ டிரைவரை கைது செய்து விசாரித்ததில், திருப்பாதிரிப்புலியூர் பகுதியைச் சேர்ந்த மணிகண்டன் என்பது தெரியவந்தது. மேலும் ஆட்டோவில் இருந்த 750லிட்டர் கள்ளசாராயத்தை பறிமுதல் செய்த காவல்துறையினர் தொடர்ந்து விசாரணை மேற்கொண்டு வருகின்றனர்.
