கடலூர் மாவட்டத்தில் உள்ள உலக புகழ் பெற்ற சிதம்பரம் நடராஜர் கோயிலுக்கு ஏராளமான பக்தர்கள் வந்து செல்கின்றனர். பல்வேறு சிறப்புகள் கொண்ட இந்த கோயிலில், ஆனந்த நடராஜருக்கு ஆண்டுதோறும் 6 மகா அபிஷேகம் நடைபெறும்.
தொடங்கியது சிதம்பரம் நடராஜர் கோயில் தேரோட்டம்
இந்நிலையில், ஆனித்திருமஞ்சன திருவிழா தேரோட்டம் சிதம்பரம் நடராஜர் கோயிலில் இன்று தொடங்கியது. நடராஜர், சிவகாமசுந்தரி, விநாயகர், முருகன், சண்டிகேசுவரர் ஆகிய 5 சுவாமிகள் அலங்கரிக்கப்பட்ட தனித்தனி தேரில் 4 வீதிகளையும் வலம் வந்தது. ஏராளமான பக்தர்கள் வடம் பிடித்து தேர் இழுத்தனர். நாளை காலை மகா அபிஷேகமும், பல்வேறு ஆராதனை நிகழ்ச்சிகள், மதியம் 2 மணிக்கு ஆனி திருமஞ்சன திருவிழா நடைபெற உள்ளது.
