கோயம்புத்தூர்: மதுரை மாவட்டம், திருமங்களம் பகுதியைச் சேர்ந்த ராமசந்திரனும் (22), அதே பகுதியைச் சேர்ந்த 17 வயது சிறுமியும் காதலித்து வந்துள்ளனர்.
இந்நிலையில் சில மாதங்களுக்கு முன்பு சிறுமியின் குடும்பத்தார் கோயம்புத்தூரில் குடிபெயர்ந்து உள்ளனர். இதனால் சிறுமியைக் காண்பதற்காக கோயம்புத்தூர் சென்ற ராமசந்திரன், சிறுமியை அழைத்துச் சென்று திருமணம் செய்துள்ளார்.
இதையடுத்து இருவரும் கோயம்புத்தூரிலேயே வேறொரு இடத்தில் தங்கியுள்ளனர். இது குறித்து சிறுமியின் பெற்றோர் காவல் நிலையத்தில் புகாரளித்தனர். தொடர்ந்து சிறுமியின் பெற்றோர் அளித்த புகாரின் பேரில், குனியமுத்தூர் காவல் துறையினர் ராமச்சந்திரனை கைது செய்தனர்.
பின் ராமசந்திரன் மீது போக்சோ பிரிவின் கீழ் வழக்குப் பதிவு செய்து, சிறையில் அடைத்தனர். இதையடுத்து சிறுமியை பெற்றோருடன் அனுப்பி வைத்தனர்.
இதையும் படிங்க: 'வீட்டிலிருந்தே வருமானம்' - விளம்பரத்தை நம்பி வில்லங்கத்தில் சிக்கிய நபர்
