கோயம்புத்தூர்: வடகோவை பகுதியில் கல்விக்கண் திறந்த (K Kamaraj Birthday) காமராஜரின் பிறந்த நாளான இன்று (ஜூலை 15) அவரது சிலைக்கு பாஜக சார்பில் வானதி சீனிவாசன் எம்எம்ஏ மாலை அணிவித்து மரியாதை செலுத்தினார். இதைத்தொடர்ந்து பத்துக்கும் மேற்பட்ட ஏழைப் பெண்களுக்கு இலவச தையல் இயந்திரம் வழங்கும் விழா நடந்தது. இதில் பங்கேற்றப்பின் செய்தியாளர்களை சந்தித்த வானதி சீனிவாசன், 'பிரதமர் மோடி அறிவித்த தேர்தல் வாக்குறுதி தொடர்பாக உதயநிதி தெரிவித்து வரும் கருத்துக்களுக்கு பதில் அளித்தார்.
தமிழ்நாடு அரசு நல்ல கல்வியை தருக: காமராஜரின் ஆட்சி தமிழகத்தின் வளர்ச்சிக்கு அடித்தளமிட்ட ஆட்சி என்றும் காமராஜரின் செயலை பாஜக நினைவுக்கூறுகிறது என்றும் காங்கிரஸின் எமர்ஜென்சியால் (The Emergency in India 1975) காமராஜர் மனவேதனைப்பட்டு இறந்தார் என்றும் அவர் தெரிவித்தார். தற்போது, தமிழகத்தில் கல்வி வியாபாரமாக மாறியுள்ளதாகவும் இதனால், தனியார் கல்வி நிறுவனங்களுக்கு பெற்றோர்கள் தங்கள் வருமானத்தின் பெரும் பங்கை செலவு செய்வதாகவும் குற்றம்சாட்டினார். இதுவே, கல்வி சுமையாக குடும்பங்களில் மாறுவதாகவும், ஆகவே தமிழ்நாடு அரசு நல்ல கல்வியை தரவேண்டும் என்று கேட்டுக்கொண்டார்.
விஜய் தொடங்கிய இரவு பாடசாலை; வரவேற்கிறோம்: மோடி குறித்து பேசிய அமைச்சர் உதயநிதி ஸ்டாலின், மோடி என்ன பேசினார் என்று முழுமையாக கேட்க வேண்டும் என்றார். மோடி பேசியதை இந்தி தெரிந்த பண்டிட்களிடம் அவர் கேட்டு அறிந்துகொள்ள வேண்டும் என்று கூறிய வானதி சீனிவாசன், தேர்தல் வாக்குறுதியில் அனைத்து மகளிருக்கும் ரூ.1000 எனப் பேசிவிட்டு மாற்றி பேசுவதாகவும் குற்றம் சுமத்தினார். விஜய் கல்விக்காக இரவு பாடசாலை (Actor Vijay Night School Scheme) துவங்கியதை வரவேற்பதாகவும், இது எவ்வாறு செயல்படும் என்பதை பொறுத்திருந்து பார்க்கலாம் என்றும் சமூகத்திற்காக பங்களிப்போருக்கு பாராட்டுகள் என்றும் தெரிவித்துள்ளார்.
மோடி பிரதமர் ஆவதை தடுக்க இயலாது: செந்தில் பாலாஜி விவகாரத்தில் அமலாக்கத்துறை நடவடிக்கை என்பது தொடரும் என்றும் இதில் மருத்துர்களின் கருத்தைப் பொருத்துதான் மேல் நடவடிக்கை இருக்கும் என்றும் வானதி சீனிவாசன் கூறியுள்ளார். எதிர்க்கட்சிகளின் கூட்டணி அறிவிப்புகளும் அவர்களின் நட்பும் ஒருபோதும் மீண்டும் மூன்றாவது முறையாக மோடி பிரதமர் ஆவதை தடுக்க முடியாது என்று தெரிவித்தார்.
இந்தியாவின் பெருமை 'சந்திராயன் 3': தேர்தல் சமயத்தில் ஒன்று கூடும் இக்கட்சிகள் சட்டமன்றத்தில் வாக்களிப்பவர்கள் கூட நாடாளுமன்றத் தேர்தல் வரும்போது மோடிக்கு வாக்களிக்கின்றனர் என்றும் அவர் கருத்து தெரிவித்துள்ளார். மேலும், சந்திராயன் 3 இந்தியாவின் பெருமை சேர்ப்பதாகவும் இதனால், சர்வதேச அளவில் மாற்றம் ஏற்பட்டு சிறிய நாடுகளும் இந்தியாவை அணுகுவதாக கூறிய வானதி சீனிவாசன், இஸ்ரோ விஞ்ஞானிகளுக்கு வாழ்த்துக்கள் என்றார். இந்தியாவில் தக்காளி விலை ஏறியதும் மத்திய அமைச்சரை காரணம் கூறுவதாக மத்திய அமைச்சரை காரணம் காட்டுவது பொருத்தம் ஆகாது என்றார்.
விவசாயிகள் விளைச்சலை உள்ளூர் அரசாங்கம் தான் கவனிக்க வேண்டும் விலைவாசி ஏற்றத்தாழ்வு வரும்போது மட்டும் மத்திய அரசு என்று கூறவது சரியில்லை என்றும் பஞ்சு விலை உயர்வுக்கு ஏற்கனவே இறக்குமதி வரியை குறைத்துள்ளதாகவும் அவர் கூறியுள்ளார். மேலும் பேசிய அவர், சபரிமலைக்கு மாலை போட்டுள்ளதாகவும், எல்லா தேர்தலிலும் பாஜக வெற்றி பெற வேண்டுமென வேண்டுவதாகவும் தெரிவித்தார்.
இதையும் படிங்க: மோடி அவதூறு வழக்கு: குஜராத் உயர்நீதிமன்றத்தின் தீர்ப்பை எதிர்த்து உச்சநீதிமன்றத்தில் ராகுல் மேல்முறையீடு!
