கடந்த மாதம் பெய்த கனமழை காரணமாக கல்லார் செட்டில்மெண்ட் பகுதியில் நிலச்சரிவு ஏற்பட்டது. இதன்காரணமாக அருகே உள்ள தெப்பக்குளம் மேடு பகுதியில் தற்காலிக குடிசை அமைத்துவந்தனர். இதனை அறிந்த வனத் துறையினர் உடனடியாக அப்பகுதியை காலிசெய்ய வேண்டும் என்று அனைவரையும் தாயமுடி எஸ்டேட் தொழிலாளர் குடியிருப்பில் குடி அமர்த்தினர்.
முன்னதாக தமிழ்நாடு அரசு 2017ஆம் ஆண்டு மலைவாழ் மக்களுக்கு ஒன்றே முக்கால் செண்டுக்கு பட்டா தருவதாகக் கூறி காலம் தாழ்த்திவந்துள்ளனர். இது குறித்து மாவட்ட ஆட்சியாளர், வனத் துறைக்குப் பலமுறை கோரிக்கைவைத்துள்ளனர்.
இதனையடுத்து, இன்று (ஆக. 28) நடைபெற்ற கிராமசபைக் கூட்டத்தில், அரசு அலுவலர்கள் பங்கேற்று, மலைவாழ் மக்களுக்கு உடனடியாக பட்டா வழங்க பரிந்துரை செய்வதாகக் கூறினர். அதுமட்டுமின்றி இந்தக் கூட்டத்தில் பல தீர்மானங்கள் நிறைவேற்றப்பட்டு மலைவாழ் மக்களும், அலுவலர்களும் கையெழுத்திட்டனர்.
இதையும் படிங்க...நீட் தேர்வுக்கு எதிராக தமிழ்நாடு அரசு உச்ச நீதிமன்றத்தை நாடாதது ஏன்? - மாணிக்கம் தாகூர் கேள்வி
