கோவையில் காமாட்சிபுரம் ஆதீனம் சிவலிங்கேஸ்வரர் கந்தசஷ்டி கவசம் விவகாரம் குறித்து செய்தியாளர்களுக்கு பேட்டியளித்தார். அதில் அவர் "முருக கடவுளுக்கு ஏராளமான பாடல்களை ஆன்மிகவாதிகள் எழுதியிருக்கின்றனர். கவசம் என்பது முருகப்பெருமானுக்கு மட்டுமல்ல எல்லா தெய்வங்களுக்கும் பாடப்பட்டுள்ளது.
அதனை அறுவறுக்க தக்க பாடல் என யூடியூப் காணொலியில் ஒருவர் சொல்வது அநியாயமானது. அதை தட்டிக்கேட்பதற்கு ஆள் இல்லாத நிலையில், காவி கொடியுடன் சில இயக்கங்கள் மட்டுமே போராடி வருகின்றன. இதுபோன்ற பேச்சுகள் நிறுத்தப்பட வேண்டும். இந்து மதத்தை இழிவுபடுத்தும் செயல்களில் யாராவது செயல்பட்டால் அவர்களின் நாக்கை துண்டிப்பதற்கு கூட பயப்பட தேவையில்லை.
அந்த அளவிற்கு இந்துக்களின் மனம் வேதனையடைந்துள்ளது. வரும் ஆகஸ்ட் 9ஆம் தேதி வீடுகள் தோறும் கந்தசஷ்டி கவசம் பாடப்பட வேண்டும். கந்த சஷ்டியை தெரியாதவர்கள் யாரும் இருக்க மாட்டார்கள். முருகனின் வேல் கொச்சைபடுத்தப்பட்டு இருக்கிறது. எவ்வளவோ பிரச்சினைகளுக்கு மத்தியில் இந்தப் பிரச்சினையை கிளப்பிவிட்டிருப்பது கண்டிக்கத்தக்கது" எனத் தெரிவித்தார்.
இதையும் படிங்க: கறுப்பர் கூட்டத்திற்கும் ஸ்டாலினுக்கும் என்ன சம்பந்தம் -பாஜக முருகன் கேள்வி!
