கோயம்புத்தூர் மாவட்டம் பொள்ளாச்சி அருகே உள்ள நெகமத்தில் காவல் நிலைய சரகத்திற்க்குட்பட்ட பெரிய நெகமம் பெண்கள் மேல்நிலைப் பள்ளி அருகே கீழே பணப்பை பண்டலாக கிடந்துள்ளது. இந்நிலையில், நெகமம் சிறப்பு உதவி ஆய்வாளர் நாகராஜன் என்பவர் காலை ரோந்து பணியில் ஈடுபட்டபோது இதனைக் கண்டுள்ளார்.
இதனையடுத்து கீழே கிடந்த பணத்தை சிறப்பு உதவி ஆய்வாளர் நாகராஜன் காவல் நிலையத்தில் ஒப்படைத்துள்ளார். பணப்பையை பரிசோதனை செய்ததில் 2 லட்சத்து 28 ஆயிரத்து 940 ரூபாய் இருப்பது தெரியவந்தது. காணாமல் போன பணம் குறித்து விசாரித்தபோது, அது நெகமம் ஆனந்தாகேஸ் கம்பெனியில் பணியாற்றும் சரவணன் என்பதை காவல்துறையினர் கண்டறிந்தனர்.
ராமேஸ்வரம் கோயில் கருவறையைப் படம் எடுத்த குருக்கள் சஸ்பெண்ட்
யூனியன் வங்கிக்கு கட்டுவதற்காக வைத்திருந்த பணத்தை எடுத்து சென்றபோது காணாமல் போனதாக சரவணன் என்பவர் காவல் துறையினரிடம் தெரிவித்துள்ளார். மேலும், பணம் அவரதுதானா என்பதை உறுதி செய்யப்பட்ட பின்னர் சரவணணிடம் காவல் துறையினர் ஒப்படைத்தனர்.
