கோவை தெற்கு மாவட்டம் பொள்ளாச்சி வடக்கு ஒன்றியத்திற்குட்பட்ட குள்ளக்காபாளையம், குரும்பபாளையம், பணிக்கம்பட்டி ஆகிய பகுதிகளில் உள்ளாட்சித் தேர்தலில் போட்டியிடும் திமுக வேட்பாளர்களுக்கு ஆதரவாக திமுக மக்களவை உறுப்பினர் சண்முகசுந்தரம் வாக்கு சேகரித்தார்.
பரப்புரையில் பேசிய அவர், ” உள்ளாட்சித் தேர்தலை சட்டப்பூர்வமாக நடைபிணமாக மாற்றிவிட்டவர் உள்ளாட்சித் துறை அமைச்சர் எஸ்.பி. வேலுமணி. அவர் தனது செல்வாக்கை வளர்த்துக் கொள்ளவும், தனது பணப்பெட்டியை நிரப்பிக் கொள்வதற்கும் மூன்றாண்டுகளாக உள்ளாட்சித் தேர்தலை நடக்காமல் செய்தார். அவர் தேர்தல் காலங்களில் மட்டும் கிராமப்புற மக்களிடம் வந்து செல்கிறார்.
பொய் பரப்புரை மேற்கொண்டு கிராம மக்களை நம்பவைக்க அவர்கள் ஒன்றும் முட்டாள்கள் அல்ல. திமுக சார்பில் நிறுத்தப்பட்ட வேட்பாளர்கள் படித்தவர்கள், நெசவாளர்கள், விவசாயிகள் என்பதால் அவர்களுக்கு வாக்களியுங்கள். திமுக ஆட்சிக் காலத்தில் கிராமப்புற மக்கள் வளர்ச்சி, அடிப்படை தேவைகள் ஆகியவை நிவர்த்தி செய்யப்பட்டது. ஆகவே கிராமப்புற மக்களின் வாழ்வாதாரம் உயர திமுக வேட்பாளர்களை வெற்றி பெறச் செய்யுங்கள்” என்றார்.
இதையும் படிங்க: 'அதிமுக வென்றால் அடிப்படை வசதிகள் விரைந்து செய்து முடிக்கப்படும்...!'
