கோவையில் பலத்த மழை: வாழை மரங்கள் அடியோடு சாய்ந்து சேதம்!

கோவை: நேற்று (ஆகஸ்ட் 4) இரவு பலத்த காற்றுடன் மழை பெய்ததால் வாழை மரங்கள் அடியோடு சாய்ந்து சேதமடைந்தன.

கோவை மாவட்டம், சிறுவாணி அணையின் நீர் பிடிப்புப் பகுதிகளான மத்தவராயபுரம், ஆலந்துறை ஆகியப் பகுதிகளில் நேற்று (ஆகஸ்ட் 4) இரவு முழுவதும் பலத்த காற்றுடன் கூடிய மழை பெய்தது.

இதனால் அப்பகுதியில் இருந்த வாழை மரங்கள் அனைத்தும் அடியோடு சாய்ந்து சேதமானது. மேலும் வடவள்ளி, தடாகம், கணுவாய், போத்தனூர், குனியமுத்தூர் போன்றப் பகுதிகளிலும் பலத்த காற்றுடன் கூடிய மழை பெய்தது.

கோவையில் பெய்த பலத்த மழையால், பில்லூர் அணையில் இருந்து விநாடிக்கு 30 ஆயிரம் கன அடி நீர் வந்து கொண்டு இருக்கிறது. இதனால் அணையை ஒட்டியுள்ள பகுதிகளைச் சேர்ந்த மக்கள் பாதுகாப்பாக இருக்க வேண்டும் எனவும்; மீன் பிடிக்க செல்லக் கூடாது என்றும் காவல் துறையினர் எச்சரிக்கை விடுத்துள்ளனர்.

இதையும் படிங்க: சாரல் மழை: குற்றால அருவிகளில் ஆர்ப்பரித்துக் கொட்டும் தண்ணீர்!