கோவை: 44-ஆவது சர்வதேச செஸ் ஒலிம்பியாட் போட்டி மாமல்லபுரத்தில் ஜூலை 28ம் தேதி துவங்குகிறது. தமிழ்நாடு அரசு சார்பில் செஸ் ஒலிம்பியாட் தொடர்பாக தமிழ்நாடு முழுவதும் விழிப்புணர்வு ஏற்படுத்தப்பட்டு வருகிறது. கோவை .
அதன் ஒரு பகுதியாக கோவை மாவட்ட நிர்வாகம் சார்பில் தனியார் கல்லூரி மாணவர்கள் நடை ஓட்டம் மேற்கொள்ள ஏற்பாடு செய்யப்பட்டது. அதன்படி கோவையை சேர்ந்த பல்வேறு தனியார் கல்லூரி(ஹிந்துஸ்தான், கற்பகம், ராமகிருஷ்ணா மகளிர் கல்லூரி) மாணவ மாணவிகள் 200க்கும் மேற்பட்டோர் கலந்து கொண்ட விழிப்புணர்வு நடை ஓட்டம் நடைபெற்றது.
கோவை நேரு விளையாட்டு அரங்கில் துவங்கிய இந்த நடை ஓட்டம் வ.உ.சி மைதானம் வழியாக சென்று மீண்டும் நேரு விளையாட்டு அரங்கில் வந்தடைந்தது. இதனை கோவை மாவட்ட ஆட்சியர் ஜி.எஸ். சமீரன் கொடியசைத்து துவக்கி வைத்தார். இதில் கலந்து கொண்ட மாணவ மாணவிகள் செஸ் ஒலிம்பியாட் லோகா பதாகைகளை ஏந்தியும் செஸ் ஒலிம்பியாட் குறித்தும் பதாகைகளை ஏந்தி நடை ஓட்டம் மேற்கொண்டனர்.
இதையும் படிங்க:குரங்கம்மை: கேரளாவில் பாதிப்பு எண்ணிக்கை 3 ஆக உயர்வு
