கோவையில் பாலக்காடு- மதுக்கரை இடையேயான ரயில் பாதையில், ரயிலில் மோதி யானை பலியாகும் நிகழ்வு அடிக்கடி ஏற்படுகிறது. இந்த பிரச்சினை குறித்து ஆய்வு மேற்கொண்டு அதற்கான தடுப்பு நடவடிக்கைகளை மேற்கொள்ள ஒன்றிய அரசு சிறப்பு குழு ஒன்றை ஏற்படுத்தி உள்ளது.
அக்குழுவை சேர்ந்த விஞ்ஞானி செல்வன், ஒன்றிய சுற்றுச்சூழல் துறை யானைகள் திட்ட பிரிவு அலுவலர் ப்ரஜ்னாபாண்டா தலைமையிலான குழு மதுக்கரை ரயில் நிலையத்தில் ஆய்வு மேற்கொண்டது.
இந்த ஆய்வு குறித்து அறிக்கை தயார் செய்து அரசிற்கு சமர்ப்பிக்கப்பட உள்ளதாகவும் ரயில் பாதையில் மேற்கொள்ளப்பட வேண்டிய மாற்றங்கள் குறித்து தெரிவிக்கப்படும் என்று வனத்துறை அலுவலர்கள் தெரிவித்துள்ளனர்.
ஆய்வின்போது கோவை மாவட்ட வன அலுவலர் அசோக்குமார், முதுமலை புலிகள் காப்பக கள இயக்குனர் வெங்கடேஷ் ஆகியோர் உடனிருந்தனர்.
