தமிழ்நாட்டையே உலுக்கிய பொள்ளாச்சி பாலியல் சம்பவத்தில் திருநாவுக்கரசு, சதீஷ், சபரி ராஜன், வசந்தகுமார், மணிவண்ணன் ஆகியோரை குண்டர் சட்டத்தில் காவல்துறையினர் கைது செய்து கோவை மத்திய சிறையில் அடைத்துள்ளனர்.
இந்த வழக்கை சிபிசிஐடி விசாரித்து வந்த நிலையில், தமிழ்நாடு அரசின் உத்திரவின்படி, ஏப்ரல் 27ஆம் தேதி சிபிஐ விசாரணைக்கு மாற்றப்பட்டது. இதைத்தொடர்ந்து, சிபிஐ அலுவலர்கள் பொள்ளாச்சியில் முகாமிட்டு, இவ்வழக்கில் கைது செய்யப்பட்டுள்ள குற்றம்சாட்டப்பட்டுள்ளவர்களின் வீடுகள், அவரது நண்பர்கள், உறவினர்கள் மற்றும் பாதிக்கப்பட்ட பெண்கள் என அனைவரிடமும் விசாரணை நடத்தி வருகின்றனர்.
இந்நிலையில், திருநாவுக்கரசுக்கு சொந்தமான பண்ணை வீட்டில் சிபிஐ அலுவலர் கருணாநிதி தலைமையில் நான்கு பேர் கொண்ட குழுவினர் ஆய்வு நடத்தினர். மேலும், பண்ணை வீட்டைச்சுற்றி வசிக்கும் மக்களிடமும் அவர்கள் விசாரணை மேற்கொண்டனர்.
