சென்னை வடக்கு மண்டல கூடுதல் ஆணையர் தினகரன், மாதவரம் காவல் மாவட்டம் சார்பில் செங்குன்றம் அடுத்த பாடியநல்லூர் சோதனைச் சாவடி, செங்குன்றம் சாமியார்மடம், மாதாவரம் மேம்பாலம், மஞ்சம்பாக்கம் பைபாஸ் சாலை, எண்ணூர் வெள்ளி வாயில் சாவடி ஆகிய ஆறு இடங்களில் ஆட்டோமேட்டிக் வாகன எண்களை பதிவு செய்யக்கூடிய கண்காணிப்பு கேமராக்களின் இயக்கத்தை தொடங்கிவைத்தார் .
அதனையடுத்து புழல் சரகத்தில் உள்ள மகளிர் காவல் நிலையத்தில் மகளிர் காவலர்களுக்கான படுக்கைகளுடன் கூடிய ஓய்வு அறையை திறந்து வைத்தாா். அதனைத் தொடர்ந்து மாதவரம் பால்பண்னை காவல் நிலையத்தில் காவலர்கள் ஓய்வு அறையையும் ரிப்பன் வெட்டி திறந்தார்.
இந்நிகழ்ச்சியில் இணை ஆணையர் கபில் சரத் கார், மாதவரம் துணை ஆணையர் ரவளிபிரியா, உதவி ஆணையர்கள் புழல் ரவி, ராமலிங்கம் மற்றும் ஆய்வாளர்கள், உதவி ஆய்வாளர்கள், காவலர்கள், பொதுமக்கள் உள்ளிட்ட பலர் கலந்துகொண்டனர்.
இதையும் படிங்க...மண்ணை உண்டு வாழும் அதிசயப் பாட்டி!
