சென்னை ரோகிணி திரையரங்கில் நடைபெற்ற 'வாரிசு ட்ரெய்லர்' வெளியீட்டு விழா கொண்டாட்டத்தில் ஏராளமான விஜய் ரசிகர்கள் கலந்து கொண்டு பட்டாசு வெடித்தும் ஆட்டம் ஆடியும் ட்ரெய்லர் வெளியீட்டை கொண்டாடினர். ட்ரெய்லரில் விஜய் பேசும் அரசியல் வசனங்கள் மற்றும் பஞ்ச் டயலாக்குகள் ரசிகர்களை கவர்ந்துள்ளது.
குறிப்பாக 'எல்லா இடமும் நம்ம இடம்தான்; பவர் சீட்ல இல்ல... அதுல வந்து ஒருத்த உட்காருகிறான் பாரு அதுல இருக்கு, நம்ம பவர் அந்த ரகம்' என்ற வசனமும் ‘மாமே... அன்போ அடியோ எனக்கு கொடுக்கும் போது யோசித்து கொடுக்கணும், நீ எதை கொடுத்தாலும் ட்ரிபிளா திருப்பிக்கொடுப்பேன்’ , ‘கிரவுண்ட் ஃபுல்லா உன் ஆளு இருக்கலாம். ஆனா ஆடியன்ஸ் எல்லோரும் ஒருத்தனத்தா பார்ப்பாங்க... கேள்விபட்டு இருக்கீயா
ஆட்டநாயகன்’ போன்ற வசனங்கள் ரசிகர்களை பரவசப்படுத்தியுள்ளன.
வாரிசு திரைப்படம் வருகின்ற பொங்கல் பண்டிகைக்கு வெளியாகவுள்ளது. ஆனால் ட்ரெய்லரிலும் படத்தின் வெளியீட்டுத் தேதி அறிவிக்காதது ரசிகர்களை சற்று ஏமாற்றமடைய செய்துள்ளது.
