திமுக கூட்டணியில் இடம்பெற்றுள்ள மதிமுகவிற்கு மாநிலங்களவைத் தேர்தலில் போட்டியிட ஒரு சீட் ஒதுக்கப்பட்டுள்ளது. இதில் அக்கட்சியின் பொதுச்செயலாளர் வைகோ போட்டியிடுகிறார். இந்நிலையில், சட்டப்பேரவை செயலர் சீனிவாசனிடம் அவர் தனது வேட்புமனுவைத் தாக்கல் செய்தார்.
சட்டப்பேரவைக்கு வரும் ஸ்டாலின்
அதேபோல், திமுக சார்பில் போட்டியிடும் வேட்பாளர்களான சண்முகம், வழக்கறிஞர் வில்சன் ஆகியோரும் தங்களது வேட்புமனுவை தாக்கல் செய்தனர். இவர்களுடன் திமுக தலைவர் மு.க.ஸ்டாலின், திமுக பொருளாளர் துரைமுருகன், நாடாளுமன்ற உறுப்பினர்கள் டி.ஆர். பாலு, கனிமொழி உள்ளிட்ட திமுக நிர்வாகிகள் உடனிருந்தனர்.
