சென்னை விமான நிலையத்தில் திருச்சி மக்களவை உறுப்பினர் திருநாவுக்கரசர் செய்தியாளர்களைச் சந்தித்தார். அப்போது பேசிய அவர், “ஒவ்வொரு 5 ஆண்டுக்கு பிறகு வரும் பொதுத்தேர்தலின் போது மக்கள் அதிசயத்தை நிகழ்த்திக்கொண்டு தான் இருக்கிறார்கள். யார் முதலமைச்சராக வர வேண்டும் என்று மக்கள் நினைப்பவர்களை தேர்வு செய்வதைதான் அதிசயம் என்று நடிகர் ரஜினிகாந்த் சொல்கிறார்.
என்னைப் பொறுத்தவரை திமுக - காங்கிரஸ் கூட்டணிக்குதான் அதிசயம் நடக்கும். தேர்தலில் திமுக - காங்கிரஸ் கூட்டணி வெற்றி பெறும். உள்ளாட்சித் தேர்தல் நடக்குமா என்பதே சந்தேகமாக உள்ளது. உள்ளாட்சித் தேர்தல் நடத்தப்பட வேண்டும். உள்ளாட்சி பணிகள் நடக்காததால் மக்கள் பாதிக்கப்படுகின்றனர்.” என்றார்.
மேலும், மருத்துவ மேற்படிப்பில் இடஒதுக்கீடு இருக்க வேண்டும். எல்லாருக்கும் வாய்ப்புகள் கிடைக்கிற மாதிரி மத்திய அரசை வலியுறுத்தி தமிழ்நாடு அரசு செயல்படுத்த வேண்டும் எனவும் அவர் தெரிவித்தார்.
இதையும் படிங்க: 2021இல் அதிசயம் நிகழும் - ஆருடம் சொன்ன ரஜினிகாந்த்!
