சென்னை சைதாப்பேட்டை போக்குவரத்து உதவி ஆய்வாளராக பணியாற்றி வருபவர் ஜெயன் (46). இவர் நேற்று இரவு அந்த பகுதியில் வாகன தணிக்கையில் ஈடுபட்டிருந்தார். அப்போது அந்த வழியே வந்த இருசக்கர வாகனம் ஒன்று நிற்காமல் சென்றது. இதைப் பார்த்த அவர் தனது இருசக்கர வாகனத்தில் அவர்களை விரட்டி சென்றபோது எதிரே வந்த இருசக்கர வாகனம் கட்டுபாட்டை இழந்து உதவி ஆய்வாளர் ஜெயன் சென்ற இருசக்கர வாகனம் மீது மோதியது.
இதில் போக்குவரத்து உதவி ஆய்வாளர் ஜெயன், பாதசாரிகள் இருவரும் படுகாயமடைந்தனர். தகவலறிந்து சம்பவ இடத்திற்கு வந்த காவல்துறையினர் காயமடைந்த மூன்று பேரையும் மீட்டு அரசு மருத்துவமனைக்கு அனுப்பி வைத்தனர். இதுதொடர்பாக வழக்குப்பதிவு செய்து விசாரணை மேற்கொண்டு வருகின்றனர்.
