இதுகுறித்து முதலமைச்சர் எடப்பாடி பழனிசாமி வெளியிட்டுள்ள அறிக்கையில், மக்களை தனது கர்நாடக இசையால் கவர்ந்த பிரபல இசைக் கலைஞர் டி.என். கிருஷ்ணன் உடல்நலக் குறைவு காரணமாக காலமானார் என்ற செய்தி அறிந்து மிகுந்த வேதனை அடைந்தேன்.
மத்திய அரசின் உயரிய விருதான பத்ம பூஷன், பத்ம ஸ்ரீ மற்றும் சங்கீத நாடக அகாதமி விருது உள்ளிட்ட பல்வேறு விருதுகளுக்கு சொந்தக்காரர். டி.என். கிருஷ்ணன் அவர்களின் இடத்தை இனி எவராலும் நிரப்ப முடியாது. அவர் மறைந்தாலும், அவரது வயலின் இசை என்றும் நம் செவிகளில் ஒலித்துக் கொண்டே இருக்கும்.
டி.என்.கிருஷ்ணன் அவர்களின் மறைவு இசைத் துறைக்கும், கலை உலகிற்கும் பேரிழப்பாகும். அன்னாரை இழந்து வாடும் அவரது குடும்பத்தினருக்கும், இசை உலக நண்பர்களுக்கும், ரசிக பெருமக்களுக்கும் எனது அனுதாபத்தை தெரிவித்துக் கொள்வதுடன், அவரது ஆன்மா இறைவனின் திருவடி நிழலில் இளைப்பாற எல்லாம் வல்ல இறைவனை பிரார்த்திக்கிறேன் என்று தெரிவித்துள்ளார்.
இதையும் படிங்க: வயலின் இசைக் கலைஞர் டி.என். கிருஷ்ணன் காலமானார்!
