சென்னை தலைமைச் செயலகத்தில், தமிழ்நாடு நுகர்பொருள் வாணிபக் கழகத்தில், 5 வாரிசுதாரர்களுக்கும், 5 உதவி மேலாளர்கள் (தரக் கட்டுப்பாடு) பணியிடங்களுக்குத் தெரிவு செய்யப்பட்டவர்களுக்கும் பணி நியமன ஆணைகளை முதலமைச்சர் எடப்பாடி பழனிசாமி இன்று(டிச.22) வழங்கினார்.
வாரிசுகளுக்கு பணிநியமன ஆணை:
அதில், தமிழ்நாடு நுகர்பொருள் வாணிபக் கழகத்தில் பணிபுரிந்து பணிக்காலத்தில் காலமான 13 பணியாளர்களின் வாரிசுதாரர்களுக்கு அவர்களின் கல்வித் தகுதியின் அடிப்படையில் பட்டியல் எழுத்தர், அலுவலக உதவியாளர், எடையாளர், காவலர் பணியிடங்களுக்கு கருணை அடிப்படையில் பணிநியமன ஆணைகளை வழங்கிடும் அடையாளமாக தமிழ்நாடு முதலமைச்சர் 5 வாரிசுதாரர்களுக்கு பணிநியமன ஆணைகளை வழங்கினார்.
தெரிவு செய்யப்பட்டவர்களுக்கு பணிநியமன ஆணை
அதேபோல், தமிழ்நாடு நுகர்பொருள் வாணிபக் கழகத்தின் நவீன அரிசி ஆலைகளில் காலியாக உள்ள 10 முறைப் பொறியாளர்கள், தரக்கட்டுப்பாட்டுப் பிரிவில் காலியாக உள்ள 7 உதவி மேலாளர்கள் (தரக் கட்டுப்பாடு) பணியிடங்களுக்கு தெரிவு செய்யப்பட்டவர்களுக்கு பணி நியமன ஆணைகளை வழங்கிடும் அடையாளமாக 5 பேருக்குப் பணி நியமன ஆணைகளை வழங்கினார்.
இதையும் படிங்க: மாற்றுத்திறனாளி பெண்ணுக்கு உடனடி பணி நியமன ஆணை : நெகிழ்ச்சியில் ஆழ்த்திய முதலமைச்சர்!
