சென்னை: சுந்தர் சி - இயக்குநர் வி.ச. துரை கூட்டணியில் உருவான திகில் திரைப்படமான 'இருட்டு' வெளியாகி மக்களிடையே நல்ல வரவேற்பைப் பெற்றது. அதன் பின்னர் மீண்டும் இதே கூட்டணியில் 'தலைநகரம் 2' திரைப்படம் உருவாகிவருகின்றது.
இதனை ரைட் ஐ தியேட்டர் தயாரிப்பு நிறுவனம் சார்பாக, வி.ச. துரை, எஸ்.எம். பிரபாகரன் ஆகிய இருவரும் இணைந்து பிரமாண்டமாகத் தயாரிக்கின்றனர்.
வி.ச. துரை முதல் முறையாகத் தயாரிக்கும் இத்திரைப்படத்துக்கு, கிருஷ்ணசாமி ஒளிப்பதிவு செய்ய, மணிஜி வசனத்தை கவனிக்கிறார்.
இந்நிலையில் மாநகரம் 2 திரைப்படத்தின் படப்பிடிப்பு பூஜையுடன் நேற்று (செப். 23) இனிதே தொடங்கியது. படத்தில் நடிக்கும் பிற நடிகர், நடிகையர், தொழில்நுட்பக் கலைஞர்களின் விவரம் விரைவில் அறிவிக்கப்படும் எனத் தயாரிப்புத் தரப்பு சார்பில் தெரிவிக்கப்பட்டுள்ளது.
இதையும் படிங்க: மீண்டும் களமிறங்கும் பானுப்பிரியாவின் தங்கை
