ஏன் விஜயகாந்தின் உடலை ராஜாஜி அரங்கில் வைப்பதற்கு அரசு அனுமதி வழங்கவில்லை? - அண்ணாமலை கேள்வி

Annamalai K: மறைந்த நடிகரும், தேமுதிக நிறுவனத் தலைவருமான விஜயகாந்தின் உடலுக்கு பாஜக மாநிலத் தலைவர் அண்ணாமலை நேரில் அஞ்சலி செலுத்தினார்.

சென்னை: நடிகரும், தேமுதிக நிறுவனத் தலைவருமான விஜயகாந்த் உடல் நலக்குறைவால் இன்று (டிச.28) காலை காலமானார். அவருக்கு வயது 71. அவரது மறைவால் தேமுதிக கட்சித் தொண்டர்கள், திரை ரசிகர்கள் சோகத்தில் ஆழ்ந்துள்ளனர். விஜயகாந்த் இல்லத்தில் உள்ள தேமுதிக கொடி அரைக்கம்பத்தில் பறக்க விடப்பட்டுள்ளது.

அவர் உடலானது கோயம்பேட்டில் உள்ள தேமுதிக தலைமை அலுவலகத்தில் பொதுமக்கள் மற்றும் தொண்டர்களின் அஞ்சலிக்காக வைக்கபட்டுள்ளது. விஜயகாந்தின் உடலுக்கு பல நடிகர்கள், அரசியல் தலைவர்கள் வந்து அஞ்சலி செலுத்தி வருகின்றனர். இந்நிலையில், பாஜக மாநிலத் தலைவர் அண்ணாமலை, மறைந்த நடிகர் விஜயகாந்தின் உடலுக்கு நேரில் அஞ்சலி செலுத்தினார்.

• கேப்டன் விஜயகாந்த் ஒரு சகாப்தம்.
  
  பொதுமக்கள் அஞ்சலி செலுத்த அரசு ஏற்பாடு செய்யவேண்டும். pic.twitter.com/6nu99iSQOh

  — K.Annamalai (@annamalai_k) December 28, 2023 " class="align-text-top noRightClick twitterSection" data="

  கேப்டன் விஜயகாந்த் ஒரு சகாப்தம்.
  
  பொதுமக்கள் அஞ்சலி செலுத்த அரசு ஏற்பாடு செய்யவேண்டும். pic.twitter.com/6nu99iSQOh

  — K.Annamalai (@annamalai_k) December 28, 2023

  ">

  கேப்டன் விஜயகாந்த் ஒரு சகாப்தம்.
  
  பொதுமக்கள் அஞ்சலி செலுத்த அரசு ஏற்பாடு செய்யவேண்டும். pic.twitter.com/6nu99iSQOh

  — K.Annamalai (@annamalai_k) December 28, 2023

பின்னர் செய்தியாளர்களைச் சந்தித்த அவர், "கட்சித் தொண்டர்களால் கருப்பு எம்.ஜி.ஆர் என்று இன்றளவும் அழைக்கக்கூடிய அளவிற்கு மறைந்த முன்னாள் முதலமைச்சர் எம்.ஜி.ஆர் வழியில் நடந்து கொண்டவர், விஜயகாந்த். கட்சி தொண்டர்கள் மற்றும் பொதுமக்களுக்கு பல்வேறு உதவிகளையும் அவர் செய்திருக்கிறார். அதுமட்டுமல்லாது, தமிழகத்தில் இரு பெரும் கட்சிகள் இருக்கும் பொழுது, மூன்றாவதாக ஒரு தலைவர் உருவாக முடியும் என்று உண்மையில் நிரூபித்துக் காட்டிய ஒரு சிறந்த தலைவர்.

ஒரு கட்சித் தலைவர் இறப்பிற்கு தொண்டர்கள் வருகை அதிகம் இருக்கும் என தெரிந்தும், ஏன் விஜயகாந்தின் உடலை ராஜாஜி அரங்கத்தில் வைப்பற்கு அனுமதியை அரசு வழங்கவில்லை? மக்கள், தொண்டர்கள் என அனைவரும் எந்தவித சிரமமும் இன்றி நடிகர் விஜயகாந்தின் உடலுக்கு அஞ்சலி செலுத்தும் வகையில் அரசு ஏற்பாடுகளை செய்து தர வேண்டும். அதேபோல், அவருக்கு மணிமண்டபம் கட்டுவதற்கான நிலத்தை அரசு ஒதுக்கீடு செய்ய வேண்டும்.

தற்பொழுது மறைந்த தேமுதிக தலைவரும், நடிகருமான விஜயகாந்தின் உடல் அவரது கட்சி அலுவலகத்தில் வைக்கப்பட்டுள்ளது. இந்த இடத்தில் பொதுமக்களும், தொண்டர்களும் வந்து செல்வதற்கான உரிய பாதை இல்லை. பாதுகாப்பற்ற ஒரு சூழல் நிலவுவதால், உடனடியாக மறைந்த நடிகர் விஜயகாந்தின் உடலை ராஜாஜி அரங்கத்தில் வைப்பதற்கான ஏற்பாடுகளை அரசு செய்திட வேண்டும்" எனக் கூறினார்.

இதையும் படிங்க: ஆருயிர் நண்பனை இழந்து தவிக்கிறேன்..! நடிகர் வியஜகாந்த் உடன் படித்த பள்ளித் தோழர் உருக்கம்..!