நாமக்கல் பிரதான சாலையில் நகர அதிமுக சார்பில் 1993ஆம் ஆண்டு தந்தை பெரியார், அண்ணா, எம்ஜிஆர் கழுத்தளவு சிலைகள் வைக்கப்பட்டன. திறந்த வெளியில் இருந்த சிலைகள் அதிமுக சார்பில் பராமரிக்கப்பட்டு வந்தன. இந்நிலையில் கடந்த 24ஆம் தேதி மாலை அந்த சிலைகள் மீது எதிர்பாராத விதமாக சரக்கு ஆட்டோ ஒன்று மோதியது.
இதில் பெரியார் சிலை அடியோடு கீழே விழுந்து சேதமானது. இதுதொடர்பாக நாமக்கல் காவல் துறையினர் வழக்குப்பதிவு செய்து நல்லிப்பாளையத்தைச் சேர்ந்த ஆட்டோ ஓட்டுநர் அருண் (32) என்பவரைக் கைது செய்தனர். மேலும் அதே இடத்தில் பெரியார் சிலை மீண்டும் நிறுவினர்.
இந்தச்சூழலில் பெரியார் சிலையை வேண்டுமென்றே சிலர் சேதப்படுத்தியதாகக்கூறி வன்முறையைத் தூண்டும் விதமாகவும் மத உணர்வைப்புண்படுத்தும் வகையிலும் தமிழ்ப்புலிகள் கட்சியின் நாமக்கல் நகர துணைத்தலைவர் அக்பர் என்பவர் சமூக வலைதளங்களில் பதிவிட்டதாகக் கூறப்படுகிறது.
