சென்னை: சென்னை எம்ஜிஆர் மத்திய ரயில் நிலையத்திலிருந்து நாள்தோறும் மாலை 7.45 மணிக்கு புறப்படும் சிறப்பு ரயில் பெரம்பூர், ஆவடி, காட்பாடி, சேலம், ஈரோடு, கோவை, பாலக்காடு, திருச்சூர், எர்ணாகுளம், கோட்டயம், கொல்லம் உள்ளிட்ட ரயில் நிலையங்கள் வழியாக மறுநாள் காலை 11.45 மணிக்கு திருவனந்தபுரம் சென்றடைகிறது. அதேபோல் அங்கிருந்து மதியம் 3 மணிக்குப் புறப்பட்டு சென்னை வருகிறது.
சென்னை எம்ஜிஆர் மத்திய ரயில் நிலையத்திலிருந்து இரவு 8.10 மணிக்கு புறப்படும் மற்றொரு சிறப்பு ரயில், பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், போத்தனூர், பாலக்காடு, கோழிக்கோடு, கண்ணூர், காசர்கோடு உள்ளிட்ட ரயில் நிலையங்கள் வழியாக மறுநாள் 12.10 மணிக்கு மங்களூரு சென்றடையும்.
மைசூரு செல்லும் ரயில், இரவு 9.15 மணிக்கு எம்ஜிஆர் மத்திய ரயில் நிலையத்திலிருந்து புறப்பட்டு பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, பெங்களூரு கன்டோன்மென்ட், கே.எஸ்.ஆர். பெங்களூரு, மாண்டியா வழியாக மறுநாள் காலை 6.40 மணிக்குச் செல்லும். இந்த ரயில் சேவைக்கான தேதி பின்னர் அறிவிக்கப்படும் எனத் தெரிவிக்கப்பட்டுள்ளது.
இந்தச் சிறப்பு ரயில் சேவை வரும் 27ஆம் தேதிமுதல் தொடங்கும். இதற்கான முன்பதிவு நாளை காலை 8 மணிமுதல் தொடங்கும் என்று தெரிவிக்கப்பட்டுள்ளது. இந்த ரயில்களில் உறுதிப்படுத்தப்பட்ட முன்பதிவு பயணச்சீட்டுடன் வரும் பயணிகள் மட்டுமே அனுமதிக்கப்படுவர்.
பயணிகள் அனைவரும் கட்டாயம் ஆரோக்கிய சேது செயலியைப் பதிவிறக்கம் செய்ய வேண்டும், புறப்படும் நேரத்துக்கு 90 நிமிடங்களுக்கு முன்பாக ரயில் நிலையம் வர வேண்டும், தங்களுக்குத் தேவையான போர்வை, விரிப்புகளைத் தாங்களே கொண்டுவர வேண்டும் என ரயில்வே நிர்வாம் தெரிவித்துள்ளது.
இதையும் படிங்க: தமிழ்நாடு வழியாக உ.பி.க்கு சிறப்பு ரயில் - இந்திய ரயில்வே
