ராக்போர்ட் எண்டர்டெயின்மெண்ட் சார்பாக டி.முருகானந்தம் தயாரிப்பில், மிஷ்கின் ‘பிசாசு 2’ படத்தை இயக்கி வருகிறார். நடிகை ஆண்ட்ரியா முதன்மை கதாபாத்திரத்தில் நடிக்கும் இப்படத்தில் நடிகை பூர்ணா முக்கிய கதாபாத்திரத்தில் நடிக்கிறார்.
இசையமைப்பாளர் கார்த்திக் ராஜா இசையில் உருவாகும் இப்படத்திற்காக பிரபல பாடகர் சித் ஶ்ரீராம் மெய்சிலிர்க்கும் மெலடி பாடலை பாடியுள்ளார்.
இப்பாடலின் வரிகளும், மெட்டும் மிகவும் பிடித்துப் போகவே, இப்பாடலை பாட அமெரிக்காவிலிருந்து சென்னை வந்து பாடி கொடுத்துள்ளார் பாடகர் சித் ஶ்ரீராம். ஏற்கனவே இப்படத்திற்காக சூப்பர் சிங்கர் புகழ் பாடகி பிரியங்கா ஒரு பாடலும், பாடகி ஶ்ரீநிதி ஒரு பாடலும் பாடியுள்ளனர் என்பது குறிப்பிடத்தக்கது.
இதையும் படிங்க: காளிதாஸ் ஜெயராமை நேரில் அழைத்துப் பாராட்டிய விஜய்!
