அமெரிக்க அதிபரைச் சந்திக்கும் நரேந்திர மோடி
நான்கு நாள்கள் அரசுமுறைப் பயணமாக அமெரிக்கா சென்ற பிரதமர் நரேந்திர மோடி இன்று அமெரிக்க அதிபர் ஜோ பைடனை சந்திக்கவுள்ளார்.
கனமழைக்கு வாய்ப்பு
டெல்லா மாவட்டங்கள், சேலம், விழுப்புரம், கடலூர், கள்ளக்குறிச்சி மாவட்டங்களில் இடியுடன் கூடிய கனமழை இன்று பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.
இந்திய திரைப்பட விழா
புதுச்சேரி அரசு சார்பில் ஆண்டுதோறும் நடைபெறும் இந்திய திரைப்பட விழா, புதுச்சேரியில் உள்ள அலையன்ஸ் பிரான்சேஸ் கலை அரங்கில் இன்று ஆரம்பமாகிறது. இதில் 'தேன்' திரைப்படம் சிறந்த படமாகத் தேர்வுசெய்யப்பட்டு திரையிடப்படுகிறது. மேலும் இப்படத்தின் இயக்குநர் கணேஷ் விநாயகனுக்கு முதலமைச்சர் ரங்கசாமி ரூ.1 லட்சத்துடன் சங்கரதாஸ் சுவாமிகள் பெயரிலான விருதினை வழங்குகிறார்.
ஐபிஎல் போட்டி
ஐக்கிய அமீரகத்தில் நடைபெற்றுவரும் ஐபில் சீசன் தொடரில் இன்று சென்னை சூப்பர் கிங்ஸ் - ராயல் சேலஞ்சர்ஸ் பெங்களூரு அணிகள் இடையே போட்டி நடைபெறுகிறது.
