துபாயிலிருந்து சென்னை சா்வதேச விமான நிலையத்திற்கு மீட்பு சிறப்பு விமானம் ஒன்று இன்று (நவம்பர் 05) வந்தடைந்தது. அதில் வந்த பயணிகளை சென்னை விமான நிலைய சுங்கத் துறையினா் சோதனையிட்டனர்.
அப்போது சென்னையைச் சோ்ந்த முகமது சேக் (28), மதுரையைச் சோ்ந்த அலி காஷாமொய்தீன் (45) ஆகிய இருவா் மீதும் சந்தேகம் ஏற்பட்டது.
இதனையடுத்து இருவரையும் சுங்கத் துறையினர் தனியறைக்கு அழைத்துச் சென்று சோதனையிட்டனர். அதில் இருவரின் உள்ளாடைகளிலும் தங்கக்கட்டிகள், தங்க பேஸ்ட்கள் மறைத்துவைத்திருந்தது கண்டுபிடிக்கப்பட்டு பறிமுதல்செய்யப்பட்டது.
பறிமுதல்செய்யப்பட்ட தங்கத்தின் மொத்த மதிப்பு 816 கிராம். இதன் சர்வதேச மதிப்பு ரூ.42.5 லட்சம். இதனைத்தொடர்ந்து இருவரையும் சுங்கத் துறையினர் கைதுசெய்து தொடர் விசாரணை மேற்கொண்டுவருகின்றனர்.
