நிலத்தை அபகரிக்க முயன்ற பள்ளி தாளாளர் கைது

சென்னை: நிலத்தை அபகரிக்க முயன்ற பள்ளி தாளாளரை மத்திய குற்றப்பிரிவு காவல்துறையினர் கைது செய்துள்ளனர்.

சென்னை மேற்கு மாம்பலம் பகுதியை சேர்ந்தவர் சுஜாதா (40). இவர் 2000ஆம் ஆண்டு பள்ளிகரணை ராம்நகர் தெற்கு விரிவாக்கம் பகுதியில் 4 கோடி ரூபாய் மதிப்புடைய 9,600 சதுர அடி நிலத்தினை தென் சென்னை பத்திரப்பதிவு அலுவலகத்தில் பதிவுசெய்துள்ளார்.

இந்த நிலையில் பஞ்சமூர்த்தி (45) என்பவர் சுஜாதாவைப் போல் ஆள்மாறாட்டம் செய்து நிலத்தை அபகரித்துள்ளார். இதனால் பஞ்சமூர்த்தி மீது காவல் ஆணையரிடம் சுஜாதா புகார் அளித்தார். இப்புகாரின் பேரில் வழக்குப்பதிவு செய்த மத்திய குற்றப்பிரிவு காவல்துறையினர் பள்ளிகரணை ராம்நகர் பகுதியை சேர்ந்த பஞ்சமூர்த்தியை கைதுசெய்தனர்.