சென்னை பாடி கலைவாணர் நகரில் வசித்து வந்த ரவுடி சுரேஷ் (31) கடந்த மூன்று மாதங்களுக்கு முன்பு தனது தாய் கலாவுடன் புழல் காவாங்கரை பகுதியில் குடியேறினார். அங்கு சென்ற பிறகும், பாடி கலைவாணர் நகரில் ஆட்டோ ஓட்டி வந்த சுரேஷுக்கும் அப்பகுதியில் டிபன் கடை நடத்தி வரும் ஜெயக்கொடி மனைவி கார்த்திகாவுக்கும் திருமணம் மீறிய உறவு இருந்துள்ளது.
இந்நிலையில் கடந்த 14ஆம் தேதி திடீரென சுரேஷ் காணாமல் போனதால் அவரது தாயார் கொரட்டூர் காவல் நிலையத்தில் புகார் அளித்தார். இதனையடுத்து காவல்துறையினர் நடத்திய தீவிர விசாரணையில், கார்த்திகா, ஜெயக்கொடி, அவரது நண்பர்கள் இருவர் ஆகியோர் சுரேஷின் கழுத்தறுத்து கொலை செய்தது தெரியவந்தது.
செங்குன்றம் அருகே வடபெரும்பாக்கம் பகுதியில் சுரேஷின் தலை தனியாகவும், உடல் தனியாகவும் முற்புதரில் வீசப்பட்டு இருந்தது. உடல் கண்டெடுக்கப்பட்ட நிலையில் தற்போது வடபெரும்பாக்கம் பகுதியில் தலையும் கண்டெடுக்கப்பட்டது. இது தொடர்பாக கார்த்திகா, கணவர் ஜெயக்கொடி, நண்பர்களான ராஜா, சுந்தரகாண்டான் ஆகியோர் நேற்று நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.
இதையும் படியுங்க:
திருமணத்தைத் தாண்டிய உறவில் கணவன் கொலை - மனைவியும் அவரது நண்பரும் கைது!
