தமிழ்நாடு முதலமைச்சராக மு.க ஸ்டாலின் மே 7 ஆம் தேதி பொறுப்பேற்றதும், ஆவின் பால் விலையை லிட்டருக்கு 3 ரூபாய் குறைத்து உத்தரவிட்டார். இந்த பால் விலை குறைப்பானது, மே 16ஆம் தேதி முதல் நடைமுறைக்கு வரும் எனத் தெரிவிக்கப்பட்டிருந்தது. அதன்படி, தமிழ்நாடு அரசு அறிவித்துள்ள ஆவின் பால் விலை குறைப்பு இன்று(மே.16) முதல் நடைமுறைக்கு வருகிறது.
பால் அட்டை வைத்திருப்போருக்கு லிட்டருக்கு ரூ.3 குறைக்கப்பட்டுள்ளது. ஆவின் நீல நிற பால் பாக்கெட் லிட்டருக்கு ரூ.37-க்கும், அரை லிட்டர் ரூ.18.50-க்கும் விற்பனை செய்யப்படும். அதே போல, பச்சை நிறமுள்ள அரை லிட்டர் பால் ரூ.21க்கும், ஆரஞ்சு நிறம் ரூ.23க்கும், இளஞ்சிவப்பு நிறம் ரூ.18க்கும் விற்பனை செய்யப்படும்.
