சென்னை அடையாறு சாஸ்திரி நகர் முதல் தெருவில் வசித்து வருபவர் ராஜாமணி. இவர் யோகா சம்பந்தப்பட்ட இதழின் வெளியீட்டாளராக இருந்து வருகிறார். இதே பகுதியில் ஜெராக்ஸ் கடை நடத்தி வருபவர் உதயகுமார். இவரது கடையில் ராஜாமணி அடிக்கடி புத்தகத்தை அச்சடிக்கும் போது உதயகுமாருடன் பழக்கம் ஏற்பட்டுள்ளது.
இந்நிலையில், ராஜாமணி தனியாக வீட்டில் இருப்பதை அறிந்து கொண்ட உதயகுமார் அவரது நண்பர்களுடன், ராஜாமணியின் வீட்டிற்கு சென்று அவரது கழுத்தை நெரித்து கொலை செய்துவிடுவதாக மிரட்டி அவர் கழுத்தில் இருந்த நான்கு சவரன் தங்க நகை, நவரத்தின கற்கள் பதித்த மோதிரம், வெளிநாட்டு நாணயங்கள், ரூ. 2 லட்சத்து 30 ஆயிரம் ரொக்கம் உள்ளிட்டவற்றை கொள்ளையடித்துச் சென்றுள்ளார்.
இதுகுறித்து ராஜாமணி அடையாறு சாஸ்திரி நகர் காவல் நிலையத்தில் உதயகுமார், அவரது நண்பர்கள் மீது நடவடிக்கை எடுக்ககோரி புகார் அளித்த நிலையில், தற்போது சென்னை மாநகர காவல்துறை ஆணையரிடம் புகார் அளித்துள்ளார். விரைவில் குற்றவாளிகளை கைது செய்து நடவடிக்கை எடுக்கப்படும் என்று காவல்துறை உறுதியளித்துள்ளதாக பின்னர் செய்தியாளர்களிடம் பேசிய ராஜாமணி கூறினார்.
இதையும் படிங்க: 2 ஏடி.எம்.களில் கொள்ளை முயற்சி: கொள்ளையர்களுக்கு காவல் துறை வலைவீச்சு
