தமிழ்நாட்டில் ஊரடங்கு நீட்டிக்கப்பட்ட போதிலும் கரோனா வைரசின் தாக்கம் குறையாமல் அதிகரித்துக்கொண்டே செல்கிறது. குறிப்பாக, சென்னையில் கரோனா தொற்று பாதிப்பு நாள்தோறும் தீவிரமடைந்து, பாதிக்கப்பட்டோரின் எண்ணிக்கை அதிகரித்துவருகிறது.
கரோனா பரவலைத் தடுக்க கிருமிநாசினி தெளிப்பது, விழிப்புணர்வு ஏற்படுத்துவது போன்ற செயல்களில் மாநகராட்சி நிர்வாகம் ஈடுபட்டுவருகிறது. இந்நிலையில் ராயபுரம், தண்டையார்பேட்டையில் கரோனா பரவல் சற்று குறைந்துள்ளது.
குணமடைந்தவர்களின் எண்ணிக்கையும் அதிகரித்துவருகிறது. இந்தப் பரவலைக் குறைப்பதற்கு அப்பகுதிகள் முழுவதும் ஏராளமான மருத்துவ முகாம்கள் நடைபெற்றன. அதன் பயனாக தொற்றால் பாதிக்கப்பட்டவர்களை எளிதில் கண்டறிந்து, பரவலைக் கட்டுப்படுத்த முடிந்தது.
இதுவரையிலும் 95 ஆயிரத்து 857 நபர்கள் இந்த வைரஸ் தொற்றினால் பாதிக்கப்பட்டுள்ளனர். அதில் 80 ஆயிரத்து 761 நபர்கள் பூரண குணமடைந்து வீடு திரும்பியுள்ளனர். எஞ்சியுள்ள 13 ஆயிரத்து 64 நபர்களும் மருத்துவமனைகளில் தீவிர சிகிச்சை பெற்று வருகின்றனர்.
மண்டல வாரியாக கரோனா தொற்று குணமடைந்தவர்களின் பட்டியலை மாநகராட்சி வெளியிட்டுள்ளது.
கோடம்பாக்கம் - 9,063 பேர்
அண்ணா நகர் - 9,252 பேர்
ராயபுரம் - 9,874 பேர்
தேனாம்பேட்டை - 9,103 பேர்
தண்டையார்பேட்டை - 8,486 பேர்
திரு.வி.க. நகர் - 6,462 பேர்
அடையாறு - 5,424 பேர்
வளசரவாக்கம் - 4,150 பேர்
அம்பத்தூர் - 4,118 பேர்
திருவொற்றியூர் - 2,999 பேர்
மாதவரம் - 2,541 பேர்
சோழிங்கநல்லூர் - 1,821 பேர்
பெருங்குடி - 2,179 பேர்
ஆலந்தூர் - 2,382 பேர்
மணலி - 1,485 பேர்
