மின்சாரம், மதுவிலக்கு மற்றும் ஆயத்தீர்வைத்துறை அமைச்சர் தங்கமணி, மீன்வளதுறை அமைச்சர் ஜெயக்குமார் ஆகியோர் இன்று டெல்லியில் மத்திய உள்துறை அமைச்சர் அமித் ஷாவைச் சந்தித்தனர்.
மேலும், மத்திய நிதித்துறைஅமைச்சர் நிர்மலா சீதாராமன், மத்திய நிலக்கரி சுரங்கங்கள் மற்றும் நாடாளுமன்ற விவகாரங்கள்துறை அமைச்சர் பிரகலாட் ஜோஷி, சுற்றுச்சூழல்துறை அமைச்சர் பிரகாஷ் ஜவ்டேகர், புதுப்பிக்கவல்ல எரிசக்தித்துறை இணைஅமைச்சர் ஆர்.கே. சிங் ஆகியோரை சந்தித்து தமிழ்நாட்டில் 24 மணிநேரமும் மின்சாரம் தொய்வின்றி வழங்குவதற்கு தேவையான நிலக்கரி மற்றும் சிறப்பு நிதி ஒதுத்குதல் உள்ளிட்ட பல்வேறு கோரிக்கைகளை வலியுறுத்தியுள்ளனர்.
அதிலும் குறிப்பாக திருவள்ளுர் மாவட்டத்தில் நடந்து வரும் எண்ணூர் அனல் மின் நிலைய விரிவாக்கத் திட்டம், குந்தா நீரேற்று புனல் மின் திட்டம் ஆகியவற்றிற்கான பணிகள் தாமதமின்றி தொடர, சுற்று சூழல் அனுமதியை புதுப்பித்து வழங்க கேட்டுக்கொணடனர்.
மேலும், தமிழ்நாடு மின்நிலையங்களுக்கு நாளொன்றுக்கு 60 ஆயிரம் மெட்ரிக் டன்கள் (நாளொன்றுக்கு 16 நிலக்கரி வண்டிகள்) நவம்பர்,டிசம்பர் மாதங்களுக்கும், 71 ஆயிரம் மெட்ரிக் டன்கள் (நாளொன்றுக்கு 19 நிலக்கரி வண்டிகள்) 2020ஆம் ஆண்டு ஜனவரி, பிப்ரவரி மற்றும் மார்ச் மாதங்களுக்கும் நிலக்கரிகள் வழங்க கோரிக்கை வைக்கப்பட்டது.
வடசென்னை அனல்மின் திட்டம், எண்ணூர் சிறப்பு பொருளாதார மண்டலம் உப்பூர் மற்றும் உடன்குடி அனல்மின் திட்டங்களைத் துரிதப்படுத்த பாரத மிகுமின் நிறுவனத்தை வலியுறுத்துமாறும் மத்திய அமைச்சர்களிடம் கோரிக்கைகளை வைத்துள்ளனர்.
இதையும் படிங்க: ஃபாத்திமாவின் செல்போன் பெற்றோர் கைக்கு சென்றது எப்படி? CBCID விசாரணை
