வடபழனியில் மாநகரப் பேருந்து மோதி பெண் பலி!

சென்னை: பணிமனைக்கு திரும்பிய மாநகர அரசுப் பேருந்து மோதி விருகம்பாக்கத்தைச் சேர்ந்த மீனா என்ற பெண் உயிரிழந்த சம்பவம் குடும்பத்தினர் மத்தியில் சோகத்தை ஏற்படுத்தியுள்ளது.

கோயம்பேட்டில் இருந்து கேளம்பாக்கம் செல்லும் 570 எண் கொண்ட வழித்தட பேருந்து, நேற்றிரவு வடபழனிக்கு பணிமனைக்கு திரும்பும்போது, சாலையில் நின்று கொண்டிருந்த விருகம்பாக்கத்தை சேர்ந்த மீனா(48) என்ற பெண் மீது மோதியது.

இதில் தலையில் படுகாயம் அடைந்த மீனா வடபழனியில் உள்ள தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சை அளிக்கப்பட்டு வந்தது.

ஆனால், சிகிச்சை பலனின்றி இன்று காலை மீனா பரிதாபமாக உயிரிழந்தார். இந்த விபத்து தொடர்பாக போக்குவரத்து புலனாய்வு பிரிவு அலுவலர்கள் வழக்குப்பதிவு செய்து விசாரணை நடத்திவருகின்றனர்.

இதையும் படிங்க: சாலையைக் கடக்க முயன்ற சிறுவனின் தலையை துண்டித்த லாரி!