தங்கம் விலையில் கடந்த சில நாட்களாகவே ஏற்ற, இறக்கம் நிலவி வருகிறது. சர்வதேச சந்தையில் கச்சா எண்ணெய்யின் விலை, அமெரிக்க டாலரின் மதிப்பு, அந்நாட்டு பொருளாதார நிலையில் ஏற்ற, இறக்கம் ஆகியவற்றுக்கு ஏற்ப தங்கத்தின் விலை சந்தையில் நிர்ணயிக்கப்பட்டு வருகிறது.
இந்நிலையில் கடந்த இரண்டு நாட்களாக தங்கத்தின் விலை சற்று குறைந்து வருகிறது. அந்தவகையில், இன்றும் தங்கத்தின் விலை சவரனுக்கு 1,464 ரூபாய் குறைந்துள்ளது.
அதன்படி, சென்னையில் 22 கேரட் ஆபரணத் தங்கத்தின் விலை சவரனுக்கு 1,464 ரூபாய் குறைந்து 37ஆயிரத்து 440 ரூபாய்க்கு விற்பனை செய்யப்படுகிறது. கிராம் ஒன்றுக்கு 183 ரூபாய் குறைந்து 4,680 ரூபாய்க்கு விற்பனை செய்யப்படுகிறது.
இதையும் படிங்க...ஆடு மேய்க்கும் தொழிலாளி மகன் நீட் தேர்வில் இந்திய அளவில் முதலிடம் பிடித்து சாதனை
