தமிழ்நாடு காவல் துறையினருக்கு வார விடுமுறை, பிறந்த நாள் விடுமுறை, மிகை நேர ஊதியம் வழங்குவது தொடர்பாக சட்டப்பேரவையில் அறிவிப்பு வெளியானது. இதுதொடர்பாக தமிழ்நாடு அரசு அரசாணை வெளியிட்டுள்ளது.
- காவலர்கள் தங்கள் உடல் நலனைப் பேணி காக்க ஏதுவாகவும், தங்கள் குடும்பத்துடன் போதிய நேரம் செலவிடுவதற்கும் வாரத்தில் ஒரு நாள் வாராந்திர ஓய்வு கட்டாயமாக அளிக்கப்பட வேண்டும்.
- வார ஓய்வு தேவைப்படவில்லை எனத் தெரிவிக்கும் காவலர்களுக்கு மிகை நேர ஊதியம் வழங்க வேண்டும்.
- காவலர்களின் பிறந்த நாள் மற்றும் திருமண நாள்களில் அவர்களது குடும்பத்துடன் கொண்டாட ஏதுவாக விடுமுறை வழங்கப்பட வேண்டும்.
- பிறந்தநாள் மற்றும் திருமண நாள் வாழ்த்துச்செய்தி, மாவட்ட, மாநகர காவல் கட்டுப்பாட்டு அறையின் வானொலி மூலமாக சம்பந்தப்பட்ட காவலர்களுக்குத் தெரிவிக்கப்பட வேண்டும்.
இதையும் படிங்க: பள்ளிகள் திறப்படுமா? - அமைச்சர் அன்பில் மகேஷ் விளக்கம்
