சிறுமிக்கு பாலியல் தொந்தரவு கொடுத்த முதியவர் கைது

சென்னை: ஐந்து வயது சிறுமிக்கு பாலியல் தொந்தரவு கொடுத்த 54 வயது முதியவரை போக்சோ சட்டத்தின் கீழ் காவல்துறையினர் கைது செய்துள்ளனர்.

சென்னை வியாசர்பாடி பகுதியைச் சேர்ந்தவர் கண்ணன்(54). இவர், தனது வீட்டிற்கு அருகே வசித்து வரும் ஐந்து வயது சிறுமியை அழைத்து பாலியல் தொந்தரவு கொடுத்துள்ளார்.

இது குறித்து சிறுமி தனது பெற்றோரிடம் தெரிவித்துள்ளார். உடனே பெற்றோர் செம்பியம் அனைத்து மகளிர் காவல் நிலையத்தில் புகார் அளித்தனர். புகாரின் அடிப்படையில், போக்சோ சட்டத்தின் கீழ் கண்ணனை காவல்துறையினர் கைது செய்துள்ளனர்.