இதுகுறித்து அக்கடிதத்தில், கடந்த 2006ஆம் ஆண்டு செப்டம்பர் 14ஆம் தேதி மத்திய சுற்றுப்புறசூழல், வனத்துறை அமைச்சகம், சுற்றுப்புற சூழல் தாக்க மதிப்பீட்டு அறிவிப்பாணையை வெளியிட்டது. அதில், கடற்கரை, அதற்கு வெளியில் நிறுவப்படும் எண்ணெய், எரிவாயு ஆய்வு, மேம்பாடு மற்றும் தயாரிப்பு திட்டங்கள், ’ஏ’ பிரிவுக்கு கொண்டு வரப்பட்டன. அதன்பின் மத்திய சுற்றுப்புறசூழல், வனத்துறை அமைச்சகம் 16ஆம் தேதியன்று திருத்தம் கொண்டு வந்துள்ளது.
ஹைட்ரோகார்பன் ஆய்வு, பிரித்தெடுக்கும் திட்டத்துக்கு தமிழ்நாடு விவசாயிகள், சமூக ஆர்வலர்கள் உள்பட அனைத்து தரப்பினரும் மிகக் கடுமையான எதிர்ப்பை தெரிவித்து வருகின்றனர். தமிழ்நாட்டிற்கு உணவளிக்கும் வளமான காவிரி டெல்டா பகுதியில் இதுபோன்ற பல திட்டங்கள் அமைக்கப்படுவதால், உணர்வுப்பூர்வமாகவும் கடுமையாகவும் எதிர்ப்பு கிளம்புகிறது.
எனவே அத்திட்டத்தை அமல்படுத்தும்போது, அந்தப் பகுதி மக்கள், பல்வேறு தரப்பினரையும் அழைத்து பேசி, அவர்களின் ஒத்துழைப்பையும் ஈடுபாட்டையும் உறுதி செய்வது அவசியமாகிறது. ஆனால் தற்போது திருத்தப்பட்டுள்ள அந்த அறிவிப்பாணை இதற்கு எதிராக அமைந்துள்ளது.
திருத்த வரைவு அறிக்கை வெளியிடப்படாததால் தமிழ்நாடு அரசுக்கும், அதற்கு சம்பந்தப்பட்டவர்களுக்கும் தங்களின் கருத்தைத் தெரிவிக்கும் வாய்ப்பு கிடைக்கவில்லை. இதனால் காவிரி டெல்டா பகுதியில் தற்போதய நிலையே நீடிக்க வேண்டும் என்று உத்தரவிட வேண்டும். சுற்றுச்சூழல் துறை வெளியிட்டுள்ள சட்டத் திருத்தத்தை திரும்ப பெற நடவடிக்கை எடுக்க வேண்டும் என பிரதமரை, முதலமைச்சர் எடப்பாடி பழனிசாமி கேட்டுக்கொண்டுள்ளார்.
இதையும் படிங்க: ‘விவசாயத்திற்கு எதிரான திட்டங்களைச் செயல்படுத்தமாட்டேன் என முதலமைச்சர் உறுதியளிக்கணும்!’
